去 #馬灣 #挪亞方舟 為心靈充電
想平復一下心情除咗去旅行有咩選擇？ 諾諾一家就揀咗去挪亞方舟參觀，教育諾諾了解生命、動物及環境愛護......參觀完重可以去沙灘吹下海風👍
而且今個夏天挪亞方舟重有夢想星球及快樂夢想特工隊，逐個簡單介紹先...
🌍夢想星球
分別有森林情境、海洋情境、四季情境及夢想星球情境，小朋友可以通過觀察環境被破壞後嘅生態問題，亦明白到動物同樣係地球嘅居民，我哋要學識尊重同保護佢哋。
當然以上呢d情境亦係一流嘅影相打卡位❤️諾諾同諾媽就影咗幾張靚相！
👨🔬快樂夢想特工隊
因為諾諾未足3歲，所以今次無報名去玩，內容大約係比小朋友體驗多個奇趣職業，例如：醫生、飛機師、廚師等等，探索各行各業箇中的樂趣，挑戰未來夢想；有興趣參加嘅朋友記得留意返活動係限時限量嘅🙋♀️
方舟博覽館
館內有小動物展出，職員亦會向小朋友講解動物嘅習性；其中有個洪水劇場，係一個好特別嘅體驗，記得唔好錯過！
方舟花園
戶外花園，模仿挪亞方舟外情境，雖然動物係假嘅😂但小朋友周圍搵動物都幾有趣，影相都幾靚嫁👍
方舟生命教育館
小朋友可以DIY紀念品同埋玩互動體驗遊戲，因為撞唔啱開放時間，所以今次玩唔到😣上次玩過，諾諾都好鍾意嘅，所以去到記得留意開放時間！
-------------------------------------
由於諾諾玩玩下發現外面有沙灘，要求去玩沙，所以諾諾一家就提早結束挪亞方舟嘅參觀，轉去沙灘玩沙😅諾諾一家聽完一輪海浪聲，心情都覺得平靜咗好多，為心靈充電後，我哋又可以重新振作！
關於： 挪亞方舟Noah's ARK
地址：香港新界馬灣珀欣路33號
開放時間：上午10:00 至 下午6:00
限定快樂夢想特工隊日期: 2019年7月13日至9月1日（逢星期六及日）
Search